Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Panganan Daerah Blora : Mindhik
Mindhik kuwi salah sawijining panganan jajanan utawa cemilan sing kawentar ing daerah Jawa Tengah lan Jawa Wetan, nanging wis rada langka, arupa gorèngan wiji trembesi. Ing sawetara panggonan ana uga sing ngarani godril.
Wiji Trembesi sing wis digorèng sangan mau rasané énak tur gurih. Amarga kari njupuki woh trembesi sing wis padha tiba ing lemah, panganan iki regané ya pancèn murah, mulané cocok yèn dadi panganan jajanané murid Sekolah Dasar SD sing sanguné biasané pas-pasan. Mindhik biasané di dol ning plataran sekolah, ning pasar utawa ing papan panggonan sing lagi ana keraméan utawa tontonan. Jaman biyèn yèn dodol mindhik ora dibungkus nganggo plastik, nanging diwadhahi conthong sing digawé saka dluwang. Carané mangan mindhik, kudu disisil ndhisik, mèh padha karo mangan kwaci. Yèn wiji mindhik wis dipépé nganti garing lan nggorèngé cukup panas, matengé akèh sing mlethèk dadi luwih gampang mangané.
nDik Reuni tanggal 16 Desember ning Atrium STEKPI mbak Yenny wis ngimpor mindhik langsung saka Kedhungringin, waah tibake laris manis... |
